ರಾಜ್ಯಮಟ್ಟದ ಜನಪರ ಶಿಲಾ ಶಿಲ್ಪಕಲಾ ಶಿಬಿರ (ಗಿರಿಜನ ಉಪಯೋಜನೆಯಡಿ)

05ವೇದಿಕೆಯಲ್ಲಿ ಉಪಸ್ಥಿತರಿರುವ ಡಾ. ಅಶೋಕಕುಮಾರ ರಂಜೇರೆ, ಮಾನ್ಯ ಕುಲಪತಿಯವರಾದ ಡಾ. ಮಲ್ಲಿಕಾ ಎಸ್. ಘಂಟಿ ಅವರು, ಶ್ರೀ ಮಹಾದೇವಪ್ಪ ಶಂಭುಲಿಂಗಪ್ಪ ಶಿಲ್ಪಿ ಅವರು ಹಾಗೂ ಕುಲಸಚಿವರಾದ ಡಾ.ಡಿ. ಪಾಂಡುರಂಗಬಾಬು ಅವರು01ಶಿಲೆಯನ್ನು ಕೆತ್ತುವ ಮೂಲಕ ಶಿಬಿರವನ್ನು ಉದ್ಘಾಟಿಸುತ್ತಿರುವ ಶ್ರೀ ಮಹಾದೇವಪ್ಪ ಶಂಭುಲಿಂಗಪ್ಪ ಶಿಲ್ಪಿ ಅವರು02ಉದ್ಘಾಟನಾ ಭಾಷಣ ಮಾಡುತ್ತಿರುವ ಶ್ರೀ ಮಹಾದೇವಪ್ಪ ಶಂಭುಲಿಂಗಪ್ಪ ಶಿಲ್ಪಿ ಅವರು03ಅಧ್ಯಕ್ಷತೆ ನುಡಿಯುತ್ತಿರುವ ಕುಲಸಚಿವರಾದ ಡಾ.ಡಿ. ಪಾಂಡುರಂಗಬಾಬು ಅವರು

ಉದ್ಘಾಟನೆಯ ಪತ್ರಿಕಾ ವರದಿ

ಪ್ರಶಸ್ತಿ ಪುರಸ್ಕಾರಗಳು ಕಲಾವಿದರನ್ನು ಹುಡುಕಿಕೊಂಡು ಬರಬೇಕೆ ವಿನಹ ಕಲಾವಿದರೇ ದೇಹಿ ಎಂದು ಬೇಡಬಾರದು. ಇದು ಅಕ್ಷಮ್ಯ ಎಂದು ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯ ಅಧ್ಯಕ್ಷರಾದ ಶ್ರೀ ಮಹಾದೇವಪ್ಪ ಶಂಭುಲಿಂಗಪ್ಪ ಶಿಲ್ಪಿ ಅವರು ನುಡಿದರು.
ಕನ್ನಡ ವಿಶ್ವವಿದ್ಯಾಲಯವು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ, ಬೆಂಗಳೂರು, ಕರ್ನಾಟಕ ಶಿಲ್ಪಕಲಾ ಅಕಾಡೆಮಿ ಬೆಂಗಳೂರು ಇವರ ಸಹಯೋಗದೊಂದಿಗೆ ದಿನಾಂಕ ೧೭.೧.೨೦೧೭ರಿಂದ ೨೮.೧.೨೦೧೭ರ ವರೆಗೆ ಗಿರಿಜನ ಉಪಯೋಜನೆಯಡಿಯಲ್ಲಿ ಮಂಟಪ ಸಭಾಂಗಣದಲ್ಲಿ ಏರ್ಪಡಿಸಿದ್ದ ರಾಜ್ಯಮಟ್ಟದ ಜನಪರ ಶಿಲಾ ಶಿಲ್ಪಕಲಾ ಶಿಬಿರವನ್ನು ಉದ್ಘಾಟಿಸಿ ಮಾತನಾಡಿದರು.
ವಿಶ್ವವ್ಯಾಪಕವಾದ ವಿದ್ಯೆ ಎಂದರೆ ಕಲೆ. ಕಲಾಕಾರನಿಗೆ ದೇವಿ ಸರಸ್ವತಿಯ ಒಂದು ಮತ(ಗಿoಣe) ಸಾಕು. ಇಡೀ ಭಾರತದಲ್ಲಿ ಧ್ವಜ ಹಾರಿಸಬಲ್ಲ. ಪ್ರಾಚೀನ ಕಲಾವಿದರು ಸರಳವಾಗಿ ಬದುಕಿದ್ದರು. ಅವರಿಗೆ ಉನ್ನತವಾದ ಗೌರವಾದರಗಳು ಇದ್ದವು. ಕಾರಣ ಮಾನವೀಯ ಮೌಲ್ಯಗಳನ್ನು ಹೊಂದಿದ್ದರು ಎಂದು ತಿಳಿಸಿದರು. ವಿದ್ಯೆಯ ಕುರಿತು ಸರ್ವಜ್ಞನ ಪದ್ಯವೊಂದನ್ನು ಉಲ್ಲೇಖಿಸುತ್ತ ಕಲೆಗೆ ಯುಗಾಂತರದ ಇತಿಹಾಸವುಂಟು ಎಂದರು.
ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡಿದ್ದ ಲಲಿತಕಲಾ ನಿಕಾಯದ ಡೀನರಾದ ಡಾ. ಅಶೋಕಕುಮಾರ ರಂಜೇರೆ ಅವರು ಮಾತನಾಡುತ್ತಾ ನಮ್ಮ ಶಿಕ್ಷಣದ ಪರಿಧಿಯೊಳಗೆ ಕನ್ನಡ ವಿಶ್ವವಿದ್ಯಾಲಯ ಪರಿಭಾವಿಸುವ ಈ ನೆಲದ ಜ್ಞಾನ, ಅರಿವು, ತಿಳಿವನ್ನು ಹೊರಗಿಡಲಾಗಿದೆ. ಪಾಶ್ಚಾತ್ಯ ಮಾದರಿಯ ಶಿಕ್ಷಣದ ಚೌಕಟ್ಟಿನೊಳಗೆ ಈ ನೆಲದ ತಿಳಿವು ಇಲ್ಲ. ಶಿಲ್ಪ ಮತ್ತು ಪ್ರತಿಮಾಶಾಸ್ತ್ರವನ್ನು ಕನ್ನಡ ವಿಶ್ವವಿದ್ಯಾಲಯ ಶೈಕ್ಷಣಿಕ ಪರಿಧಿಯೊಳಗೆ ಭಾವಿಸಿದೆ. ಶಿಕ್ಷಣದ ಹೊರಗಿಡುವ ಅನೇಕ ಜ್ಞಾನಗಳನ್ನು ಪುನರ್‌ಸ್ಥಾಪಿಸುವ ನೆಲೆಯಲ್ಲಿ ಕನ್ನಡ ವಿಶ್ವವಿದ್ಯಾಲಯ ಕೆಲಸ ಮಾಡಿದೆ ಎಂದು ತಿಳಿಸಿದರು.
ಅಧ್ಯಕ್ಷತೆ ವಹಿಸಿದ್ದ ಕುಲಸಚಿವರಾದ ಡಾ. ಡಿ. ಪಾಂಡುರಂಗಬಾಬು ಅವರು ಕಲೆ ಶಿಲ್ಪಕಲೆಗೆ ಒಂದು ಪರಂಪರೆ ಇದೆ. ಆ ಪರಂಪರೆಯ ಜೊತೆಯಲ್ಲಿ ನಿರ್ಬಂಧಗಳು, ಮಡಿ ಮತ್ತು ತಡೆಗಳಿವೆ. ಕನ್ನಡ ವಿಶ್ವವಿದ್ಯಾಲಯ ಇಂತಹ ಪಾರಂಪರಿಕವಾದ ತಡೆಗಳನ್ನು ಮೀರುವಂತಹ ಶಿಕ್ಷಣ ನೀಡುವ ಪ್ರಯತ್ನದಲ್ಲಿದೆ. ಇದರ ಫಲವಾಗಿ ಗಿರಿಜನ ಉಪಯೋಜನೆಯಡಿಯಲ್ಲಿ ಮುಕ್ತವಾಗಿ ಕಲೆಯನ್ನು ಸಾಮಾಜೀಕರಣಗೊಳಿಸುವ ಪ್ರಯತ್ನದಲ್ಲಿ ತೊಡಗಿದೆ. ಪರಂಪರೆಯಲ್ಲಿ ದಾಖಲಾಗಿಲ್ಲದ ಅನೇಕ ಸಂಗತಿಗಳನ್ನು ದಾಖಲಿಸಲು ವಿಶ್ವವಿದ್ಯಾಲಯವು ಸಜ್ಜುಗೊಳ್ಳುತ್ತಿದೆ ಎಂದು ನುಡಿದರು. ವೇದಿಕೆಯಲ್ಲಿ ಮಾನ್ಯಕುಲಪತಿಯವರಾದ ಡಾ.ಮಲ್ಲಿಕಾ ಎಸ್. ಘಂಟಿ ಅವರು ಉಪಸ್ಥಿತರಿದ್ದರು.
ಶಿಬಿರದಲ್ಲಿ ದಕ್ಷಿಣ ಕನ್ನಡ ಜಿಲ್ಲೆಯ ಶ್ರೀ ಸುರೇಶ, ಶ್ರೀ ಕೇಶವ, ಬಾಗಲಕೊಟ ಜಿಲ್ಲೆಯ ಶ್ರೀ ಮೌನೇಶ ಹೆಚ್. ಬದನೂರು, ಶ್ರೀ ರವಿ ದೇಸಾಯಿ, ಶ್ರೀ ವಸಂತ ಎಲ್. ತಳವಾರ, ಶ್ರೀ ವೆಂಕಪ್ಪ ಕೋಳಿ, ಶ್ರೀ ಹಣಮಂತ ಎಲ್. ತಳವಾರ, ಗದಗ ಜಿಲ್ಲೆಯ ಶ್ರೀ ಬಸಪ್ಪ ಓಲೆಕಾರ ಸೋಮನಕಟ್ಟಿ ಹಾಗೂ ಮೇಘಾಲಯದ ಶ್ರೀ ದೀಸ್ಥಾನ್ ಇವರೊಂದಿಗೆ ಬಾದಾಮಿಯ ವಿಸ್ತರಣಾ ಕೇಂದ್ರದ ಅಧ್ಯಾಪಕರು ಮತ್ತು ವಿದ್ಯಾರ್ಥಿಗಳು ಭಾಗವಹಿಸಲಿದ್ದಾರೆ. ಮೈಸೂರು ಜಿಲ್ಲೆಯ ಶಿಬಿರದ ನಿರ್ದೇಶಕರಾದ ಶ್ರೀ ಮಹದೇವ ಆರ್. ಹಾಗೂ ಕರ್ನಾಟಕ ಶಿಲ್ಪಕಲಾ ಅಕಾಡೆಮಿಯ ಸದಸ್ಯ ಸಂಚಾಲಕರಾದ ಮಂಜುನಾಥ ಅ. ಕಂಚಗಾರ ಉಪಸ್ಥಿತರಿದ್ದರು.
ಉದ್ಘಾಟನಾ ಕಾರ್ಯಕ್ರಮದಲ್ಲಿ ಚಿತ್ರಕಲಾ ವಿದ್ಯಾಲಯಗಳ ನಿರ್ವಹಣಾ ಕೇಂದ್ರದ ನಿರ್ದೇಶಕರಾದ ಡಾ. ಸಿದ್ದಗಂಗಮ್ಮ ಸ್ವಾಗತಿಸಿ, ಪ್ರಾಸ್ತಾವಿಕ ನುಡಿದರು. ಶ್ರೀಮತಿ ಎಂ.ಬಿ.ಆಶಾ ನಿರೂಪಿಸಿದರು. ದೃಶ್ಯಕಲಾ ವಿಭಾಗದ ಅಧ್ಯಾಪಕರಾದ ಡಾ. ಶಿವಾನಂದ ಬಂಟನೂರ ವಂದಿಸಿದರು. ಸಂಗೀತ ವಿದ್ಯಾರ್ಥಿಗಳು ಪ್ರಾರ್ಥಿಸಿದರು.

 

Advertisements

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s